ပထမဆုံး ဘယ်လို အလုပ်အကိုင်မျိုးနဲ့ ကိုယ်ဟာ သင့်တော်မလဲဆိုတာ သိနိုင်ဖို့ အရေးအကြီးဆုံးက မိမိကိုယ်ကို သိနားလည်ခြင်းနဲ့ မိမိအတွက်အရေးကြီးသောအရာတွေက ဘာဆိုတာကို သဘောပေါက်ဖို့ ဖြစ်ပါတယ်။ မိမိရဲ့ လိုအပ်ချက်တွေ၊ နှစ်သက်သဘောကျမှု၊တန်ဖိုးထားမှုတွေကို သိထားမှာသာလျှင် များပြားလှစွာသော အလုပ်အကိုင်တွေထဲကမှ ကိုယ်နဲ့ ကိုက်ညီတဲ့ အလုပ်ကို မှန်ကန်စွာ ရှာဖွေနိုင်ပါလိမ့်မယ်။ မိမိကိုယ်ကို သိနားလည်အောင် ဆန်းစစ်နိုင်ဖို့ အချက်တွေကို အောက်မှာ ဖော်ပြထားပါတယ်။

မိမိစိတ်၀င်စားသော အရာများ- ကိုယ်ဟာ ဘယ်လို ၀ါသနာမျိုးရှိသလဲ၊ ဘာတွေ လုပ်နေရတာကို နှစ်သက် မြတ်နိုးသလဲ၊ ဒါတွေကိုလုပ်လို့ စိတ်ကျေနပ်မှု ဘယ်လောက်ရသလဲဆိုတာကို သိနိုင်အောင် အားထုတ်ပါ။ မိမိစိတ်ပါ ၀င်စားတာမျိုးကိုလုပ်တဲ့အတွက် ငွေကြေးရချင် ရမယ်၊မရချင်လည်းနေမယ်။ ကျွန်တော့် အတွေ့အကြုံနဲ့ ယှဥ်ပြောရရင်တော့ မရတာများပါတယ်။ သို့သော် ကိစ္စမရှိဘူး။ အချိန်တွေ ကုန်မှန်း မသိ ကုန်ဆုံးနေပြီးတော့ ကိုယ်ရဲ့ စိတ်၊အာရုံ နှစ်မြုပ်နေရတဲ့ အရာမျိုးက ဘာလဲ သိနိုင်အောင် ကြိုးစားပါ။ လက်ရှိ‌ ‌‌‌ဝေ၀ါးနေဆဲဆိုရင် အချိန်ပေးပြီး ရှာဖွေပါ။ တခါတလေမှာ လူတွေ အများစုက မိမိဘာကို စိတ်ပါ၀င်စားသလဲဆိုတာကိုတောင် မသိကြတာ များပါတယ်။ တကယ်တော့ လူတိုင်း လူတိုင်းမှာ ကိုယ်စီ စိတ်၀င်စားတဲ့ အရာလေးတွေ ရှိတတ်ကြပါတယ်။ မတွေ့သေးရင် စိတ်ဓာတ်မကျပဲ စူးစူးစိုက်စိုက်ရှာဖွေနေသင့်တယ်။ ဘာလို့လည်းဆိုတော့ မိမိစိတ်ပါ၀င်စားတာလေးတွေနဲ့ အလုပ်နှစ်ခုဟာ ထပ်တူကျရင် လူတယောက်ဟာ ဘ၀မှာ အောင်မြင်ဖို့ လမ်းစကို ရောက်နေပါပြီ။ ကဲ မိမိရဲ့ ကိုယ်ရည်ကိုယ်သွေးဟာ ဘယ်လို အလုပ်အမျိုးအစားတွေနဲ့ ကိုက်ညီသလဲဆိုတာကိုတော့ အောက်ပါ Link မှတဆင့် Quiz လေးတွေ ဖြေပြီး ကြည့်လိုက်ပါဦးနော်။

https://www.workmal.com/blog/12-6-jobtrain-2


Online Course အနေနဲ့ www.myanmaronlineschool.com မှာလည်း တက်ရောက်နိုင်ပါတယ်။

Job Portal: www.workmal.com

Email: [email protected]

Phone: 09 426 999 229